Të bëhemi të sinqertë: shumicës së meshkujve nuk iu pëlqen të përdorin prezervativë.
Metoda e tërheqjes është një metodë shumë e zakonshme për parandalimin e shtatzënisë, transmeton Telegrafi.
Në fakt, është metoda e dytë më e zakonshme e parandalimit të shtatzënisë gjatë pesë vjetëve të fundit.
Sidoqoftë, a funksionon vërtet kjo metodë? Çfarë thonë statistikat për efikasitetin e kësaj metode në parandalimin e shtatzënisë?
Numrat nuk gënjejnë: metoda e tërheqjes është mjaft e rrezikshme
Kur bëhet siç duhet, metoda e tërheqjes mund të jetë efektive në parandalimin e shtatzënisë. Çiftet që e përdorin këtë metodë në mënyrë të përsosur kanë 4% shanse të mbesin shtatzënë brenda një viti.
Por, nxjerrja e penisit në momentin e duhur secilën herë nuk është gjithmonë gjë e lehtë për meshkujt, e posaçërisht për një adoleshent të papërvojë. Kështu, për ata të papërvojë dhe ata që nuk mund ta kontrollojnë mirë tërheqjen, rreziku i shtatzënisë rritet për 22%.
Plus, edhe nëse çdo gjë shkon siç duhet, ekziston prapëseprapë lëngu para-ejakulimit, i cili mund të mbajë sasi të vogla të spermës, por që mjafton që të mbeteni shtatzënë.
Ndër tjerash duhet të mbani mend se metoda e tërheqjes nuk ju mbron nga sëmundjet e transmetueshme seksualisht. /Telegrafi/