Një grua pjesëmarrëse në një aksion të pastrimit të një plazhi në Florida e gjeti një mesazh në një shishe nga viti 2000 – dhe mbeti e habitur kur mësoi se djali i saj e njeh njërin nga autorët e mesazhit.
Kathy Grace tha se ajo po merrte pjesë në pastrimin e plazhit të Fort Meyers me 30 nëntor pas goditjes së Uraganit Ian, kur ajo e gjeti një shishe e shkruar nga treshja e një familje ukraino-amerikane: Roman, Lesia dhe Zenon Mural.
Në shënim shkruhej se shishja ishte groposur në plazh me ndihmën e babait të treshes me 3 mars 2000, raporton UPI, transmeton Telegrafi.
Grace u dërgoi një foto të letrës fëmijëve të saj dhe u trondit kur lexoi përgjigjen nga djali i saj, Michael.
“Michael thotë: ‘Nuk do ta besosh këtë, por Roman dhe unë shkuam në kolegj në të njëjtën periudhë, dhe të dy ne punuam në DHL'”, tha Grace. Duke shtuar: “Dhe këtu është një foto e nesh në Kaliforni me DHL vitin e kaluar në plazh”.
Grace tha se zbulimi i shkaktoj asaj emocione.
Kohët e fundit Grace ishte në gjendje të kontaktonte vëllezërit e motrat Mural dhe t’u tregonte për zbulimin e saj dhe lidhjen e tyre befasuese.
“Kjo thjesht dëshmon se bota nuk është aq e madhe,” tha Lesia Mural. /Telegrafi/