Selena Gomez ka treguar se është beqare në një video të postuar në TikTok.
Jeta e saj private ka qenë një burim spekulimesh të vazhdueshme këtë vit, me thashetheme që e lidhin atë me emra të tillë si Zayn Malik dhe Andrew Taggart.
30-vjeçarja u përpoq të qetësonte muhabetin këtë javë me një video të ndarë në rrjete sociale.
“Jam beqare”, tha Selena duke shtuar: “Ju dua të gjithëve”.
Në fillim të këtij viti ajo ishte e lidhur me Andrew Taggart të “The Chainsmokers”, dhe megjithëse ajo deklaroi se ishte beqare në janar, ajo u pa dy ditë më vonë dorë për dore me të në New York.
“Selena dhe Dreë kanë një lidhje të mrekullueshme”, pohoi një burim i Us ëeekly. “Ata janë shumë të lumtur që e kanë provuar këtë”.
Në të njëjtën kohë, Selena u tha se ishte bashkë me yllin e “One Direction”, Zayn Malik.
Një burim pranë tyre bëri të ditur se ata kanë qenë bashkë për një kohë të shkurtër.
Marrëdhënia më e famshme e Selenas ka qenë me Justin Bieber, e cila përfundoi në vitin 2018.
Kjo ndodhi pak para se Justin të martohej me modelen Hailey Baldwin. /Telegrafi/
