Duket si një kënd i zakonshëm kopshti, por në mes luleve dhe bimëve ndodhet edhe një gjallesë.
Mike Simcox nga Birmingami i Anglisë, e ka fotografuar qenin e tij Eddie, teksa provonte të fshihej, transmeton Telegrafi.
Pronari 37-vjeçar, ka bërë të ditur se kafsha e tij shtëpiake ishte mllefosur me stuhitë dhe bubullimat, andaj provoi të fshihej duke krijuar skenën enigmatike.
Meqenëse lulet e kudondodhura ishin lulëzuar në masë të madhe, gjetja e Eddie bëhet pothuajse e pamundur.
Shumë shikues kanë thënë se e kanë problem ta gjejnë, andaj nëse jeni në mesin e tyre, shikoni në imazhet e postuara më poshtë, ku qeni është vijëzuar me një rreth të verdhë. /Telegrafi/
