Futbollisti shqiptar, Mërgim Berisha, gjatë kësaj kohe ka qenë një nga emrat më të komentuar në media e showbizin shqiptar.
Kjo pasi historia e tij me Vesa Vllasaliun u rikthye në vëmendje, pas futjes së kësaj të fundit në Big Brother VIP Kosova 2.
Bukuroshja bëri deklarata të shumta bombastike, përfshirë edhe atë se shoqja e ngushtë ia ka marrë partnerin.
Pas kësaj, në një bisedë me banorët e tjerë, ajo zbuloi se ka qenë edhe shtatzënë e se ka humbur fëmijën.
E njëjta tregoi një moment kur ish- i fejuari e kishte nxjerrë nga makina dhe e kishte lënë në mes të rrugës, pa asgjë.
Pas gjithë këtyre, Berisha duket se në një formë reagoi në rrjete sociale duke publikuar një imazh me partneren e re, Edonën.
Ata shihen të lumtur dhe duket se i kanë lënë pas të kaluarën e gjithë historinë. /Telegrafi/