Nëse përmendim Jack Nicholsonin, në mendje mund të vijnë tituj filmash ikonikë, si “The Shining”, “One Flew Over the Cuckoo’s Nest”, “Wolf”, “About Schmidt”, “The Departed” e shumë të tjerë.
Legjenda e kinemasë amerikane që në prill të këtij viti mbush 80 vjet, ka njoftuar se nuk do të luajë më në asnjë film, transmeton Syri.net.
Vendimi i tij për të lënë kinemanë që ka mërzitur shumë fansa, ka ardhur si befasi. Nicholson nuk është shfaqur në asnjë film prej vitit 2010, duke i dhënë tashmë zyrtarisht fund një karrierë prej gjashtë dekadash të gjatë.
Nuk duhet harruar se krahas karrierës së bujshme, jeta e tij private ka qenë e shenjuar edhe nga festat e çmendura që bënte dhe marrëdhëniet me femrat.
Ai është martuar një herë për vetëm gjashtë vjet dhe ka pasur dy lidhje zyrtare, teksa pretendon se ka çuar në shtrat më shumë se dy mijë femra.
Pak muaj më parë, ai deklaroi se ndjehej krejtësisht i vetmuar dhe i pikëlluar, ndërsa pendohej për disa vendime në jetën e tij.