Nga takimi i së enjtes dhe së premtes në Bruksel duhet të dalë mesazhi se problemet monetare do të zgjidhen dhe euro nuk është në dispozicion, tha Merkel pas pjesëmarrjes në një takim të grupit parlamentar të CDU-së dhe CSU-së. Kancelarja mbrojti faktin e blerjes së huave shtetërore nga vendet e zonës së euros që janë në krizë si Greqia përmes Bankës Qendrore.
Në samitin e BE-së Merkel do të shprehet kundër borxheve të përbashkëta të vendeve të euro-s, ide kjo e propozuar nga shefi i grupit të vendeve të euro-s, kryeministri luksemburgas Jean-Claude Juncker. Këtë të mërkurë politikania e CDU-së do të japë në një deklaratë të qeverisë kursin e saj për krizën e euro-s. /Telegrafi/