Kancelarja gjermane, Angela Merkel, dhe kryeministri indian, Narendra Modi, ishin në qendrën teknologjike të Indisë, në Bangalore për bisedime për rritjen e bashkëpunimit në këtë sektor.
Të dy liderat do të marrin pjesë në takime me industritë kryesore të sektorit të organizuara nga Shoqata Kombëtare e Softuerëve dhe Kompanive të Shërbimit.
Në Bangalore janë të përqendruara bizneset më të mëdha gjermane si Bosch, SAP, Siemens dhe Daimler.
Rreth 1 700 kompani gjermane zhvillojnë aktivitetet e tyre në Indi, dhe shumë kanë hapur ose kanë zgjeruar fabrikat e tyre në vend.
India dhe Gjermania nënshkruan të hënën shumë marrëveshje për bashkëpunime mbi çështjen e ndryshimit klimatik, për dhënien e asistencës për programin e energjisë djellore indiane, si dhe për dërgimin e ndërmarrjeve tregtare gjermane në Indi. /Telegrafi/