"Në rolin që luan Evropa, në globalizim, bën pjesë edhe politika e jashtme dhe e sigurisë. Për të përfaqësuar në mënyrë efektive interesat tona në fushën e sigurisë, na duhet vullneti politik dhe aftësitë e mjetet e nevojshme”, ka thënë Merkel, për të shtuar se, “një shembull për këtë është çështja e statusit të Kosovës”.
“Me të do të merret Këshilli i Evropës pasnesër, pasi u morën një herë ministrat e jashtëm. Për fat te keq bisedimet midis shqiptarëve dhe serbëve përfunduan pa sukses, por ishte e rëndësishme që të zhvillohej edhe ky proces bisedimesh, për të thënë se vërtet i provuam të gjitha, dhe për të shtuar kontaktet”, ka thënë ajo.
Merkel po ashtu ka shfrytëzuar rastin që t’i falënderohej ndërmjetësit evropian në Treshen negociuese, Ëoflgang Ischinger, për, siç u shpreh ajo, “fantazinë dhe forcën që përdori në këtë çështje”.
“Bashkimin Evropian duhet sot që të luftojë për stabilizimin e rajonit. BE duhet të marrë përgjegjësinë dhe për mua nuk ka dyshim, se nëse ne evropianët duam të përfaqësojmë interesat tona në botë, atëherë na duhet të përforcojmë politikën e mbrojtjes dhe të sigurisë, dhe ta koordinojmë atë më mirë", ka përfunduar Merkel. /DW/