Natyra nuk pushon së befasuari. I tillë është rasti me këtë rrjetë gjigante merimange që gjendet në Misuri, SHBA.
Një foto u shkrep nga një punonjës i Departamentit të Konservimit në Misurit.
“Specialisti i mediave MDC, Francis Skalicky shkrepi një fotografi të rrjetës së merimangës ndërsa rrinte në një shteg në Springfield kohët e fundit. Një numër i madh i llojeve të merimangave mund të gjenden në Misuri. Rrjetat e tyre janë më të dukshme në fund të verës dhe në vjeshtë, kur merimangat arrijnë madhësinë e tyre më të madhe”, shkruajti Departamenti i Konservimit i Misurit në postimin e tyre në Facebook, transmeton Telegrafi.
Fotoja tërhoqi shumë vëmendje dhe komente. Njerëzit e quajtën rrjetën një pjesë të “mrekullueshme” të arkitekturës së natyrës.
Sado mbresëlënëse është rrjeta, duhet të theksohet se fotografia është bërë gjithashtu në një kënd që e bëri atë të duket më masive. /Telegrafi/