Bashkatdhetarët të cilët kanë qëndruar në Kosovë për festat e fundvitit, tashmë kanë filluar të kthehen në vendet e ndryshme të Evropës, ku ata jetojnë dhe veprojnë. Kjo ka bërë që të krijohen kolona në disa pika kufitare.
Në pikën kufitarë Merdare, e cila bënë lidhjen mes Kosovës dhe Serbisë, kolonat arrijnë deri në 1 mijë metra, bashkatdhetarët duhet pritur tri deri në katër orë për të dalur nga Kosova përmes kësaj pike, shkruan Telegrafi.
Po ashtu, në vendkalimin kufitar Dheu i Bardhë pritja për të dalur nga Kosova është 40 minuta, ndërsa në vendkalimin kufitar Mutivodë pritja zgjatë deri në një orë.
Sipas të dhënave të fundit të publikuar nga Qendra Kombëtare për Menaxhim Kufitar, të publikuar në ora 18:00, vendkalimet tjera janë të lira.
Gjithashtu, Qendra Kombëtare për Menaxhim Kufitar bën të ditur se të gjitha rrugët që shpijnë në vendkalimet kufitare janë të kalueshme.
Qytetarët mund të përcjellin në kohë reale gjendjen në kufi, duke klikuar KËTU./Telegrafi/