Kompania e njohur Klassen qw merret me modifikimin e veturave, ka arritur ta shndërroj një Mercedes-Benz Sprinter në një zyrë luksoze të lëvizshme që është e pajisur me bar dhe tualet.
Një ndarje ndan shoferin dhe pasagjerët që ndodhen në pjesën e dytë, më të bollshme të furgonit, i cili ka katër ulëse të veçanta dhe shumë komode.
Ato janë të veshura me lëkurë të cilësisë së lartë, të rregullueshme në mënyrë elektronike dhe kanë funksion ngrohjeje dhe ftohjeje, transmeton Telegrafi.
Pasagjerët mund të shijojnë pije të ndryshme në sajë të barit, si dhe kafen e bërë me aparat. Të gjitha dritaret janë të pajisura me perde, dhe pjesa e brendshme është e “larë” me dritë artificiale me modalitet ambienti për një qëndrim dhe vozitje më të rehatshme.
Në tavolinën e vendosur midis sediljeve nënshkruhen dokumente të rëndësishme, por mund të paloset. Disa tableta të vogla përdoren për të kontrolluar funksione të ndryshme të automjetit, por Klassen ndërtoi gjithashtu një televizor të madh në pjesën e sipërme.
Një tualet është pjesë e furgonit, kështu që qëndrimi në këmbë nuk është i nevojshëm. Gjithashtu ka shumë hapësirë për ndenjëse të ndryshme dhe sediljet e sipërpërmendura mund të shndërrohen në krevat.
Fotografitë janë vetëm një shembull i asaj që Klassen mund t’u ofrojë klientëve, kështu që është e mundur të merrni konfigurime të tjera.
Procesi i konvertimit zgjat dy deri në tre muaj dhe informacioni i çmimit është i disponueshëm sipas kërkesës. /Telegrafi/
