Mercedes-Benz Truck ka prezantuar kamionin e tij elektrik me rreze më të gjatë veprimi deri më tani në IAA këtë fundjavë: eActros LongHaul.
Daimler Trucks, divizioni komercial i kamionëve të prodhuesit gjerman të automjeteve që përfshin shumë marka si Mercedes-Benz Trucks dhe Freightliner, ka qenë një lider në elektrifikimin me një portofol në rritje të kamionëve me bateri elektrike, transmeton Telegrafi.
Kompania tashmë kishte bërë disa përparime me kamionët elektrikë, si eCascadia, një gjysmë kamion elektrik i klasës 8 dhe eActros, një kamion elektrik urban me rreze të shkurtër.
Në vitin 2020, Mercedes-Benz njoftoi për eActros LongHaul, një version i ri me rreze më të gjatë i modelit eActros.
Në IAA këtë fundjavë, prodhuesi i automjeteve e zbuloi eActros LongHaul për herë të parë dhe publikoi më shumë specifika.
Daimler ka konfirmuar se është i pajisur me tre paketa baterish për një kapacitet total prej “mbi 600 kWh”:
Kompania thotë se kamioni do të ecë me një distancë prej “rreth 500 kilometrave” në një karikim të vetëm. Mercedes-Benz nuk konfirmoi nëse ishte me ngarkesë të plotë, por supozojmë se është kështu. /Telegrafi/