Bakri zakonisht gjendet në enët e gatimit, stoli, çezma, instrumentet prej bronzi, dorezat e derës dhe pajisjet shtëpiake.
Bakri i njollosur mund ta bëjë shtëpinë tuaj të duket e vjetër, e ndyrë dhe e errët. Sa kohë duhet që bakri të duket i ndryshkur varet nga mënyra se si trajtohet dhe nga çfarë ekspozohet, por ju mund të dalloni gjurmët e gishtërinjve në bakër brenda disa ditësh nga pastrimi i tij.
Para se të filloni pastrimin e bakrit, sigurohuni që të mos jetë vetëm i veshur me bakër. Objektet e veshura me bakër nuk kanë nevojë të lustrohen dhe nëse e bëni, mund ta prishni atë. Ngjit një magnet në objekt, dhe nëse nuk ngjitet është bakër i vërtetë.
Se si e pastroni bakrin varet nga preferenca juaj dhe nëse doni të shkoni në rrugën natyrale apo jeni të lumtur duke përdorur pastrues të blerë në dyqane.
Si të pastroni bakrin
Ka shumë lustrime në treg të dizajnuara për të pastruar bakrin. Për t’i dhënë një jetë të re përsëri bakrit, duhet t’i përdorni pastruesit e metalit ose bronzit rregullisht në përputhje me udhëzimet.
Asnjëherë mos e lagni bakrin para se ta lustroni, por vendosni në të një leckë të lagur dhe ujë me sapun për të hequr qafe papastërtitë dhe pluhurin.
Cila është mënyra më e mirë për të pastruar bakrin?
Nëse nuk ju pëlqen ideja e përdorimit të kimikateve ose nuk doni të shpenzoni para shtesë, mund të përdorni përbërës natyralë ose përbërës nga kuzhina juaj për të pastruar bakrin.
Mund të tingëllojë e çuditshme, por keqapi bën mrekulli kur bëhet fjalë për lustrimin e bakrit. Thjesht hidhni pak nga salca e kuqe në një leckë dhe fërkojeni atë në bakrin e njollosur. Përdorni një leckë të pastër dhe të lagur për ta fshirë dhe për ta tharë atë.
Limoni dhe soda e bukës mund të përdoren për një numër detyrash pastrimi, dhe lëmimi i bakrit është një prej tyre.
Lëngoni gjysmë limoni dhe përzieni atë me një lugë çaji sodë buke, duke e përzier derisa të bëni një pastë. Përdorni një leckë të butë për të lyer pastën në bakër dhe më pas shpëlajeni atë me ujë të ngrohtë dhe thani. Nëse bakri është njollosur me të vërtetë, mund ta lini pastën në bakër për gjysmë ore para se ta lani.
Një pastë tjetër që do ta bëjë bakrin tuaj të duket aq i mirë sa i ri, është bërë nga tre sende shtëpiake.
Përzieni pak miell, kripë dhe uthull të bardhë së bashku në pjesë të barabarta. Përhapni një shtresë të hollë të pastës në bakër dhe lëreni të qëndrojë për një orë. Në fund, shpëlajeni me ujë të ngrohtë dhe thani bakrin.
Nëse asgjë nga këto nuk funksionon, ju mund të dëshironi të merrni në konsideratë zëvendësimin e bakrit tuaj dhe lënien e tij të anash. Bakri i vjetër, veçanërisht nëse është antik, normalisht vlen më shumë para. /Telegrafi/