Të largosh një njollë nga rrobat e tua është e bezdisshme, veçanërisht kur ato nuk largohen në lavatriçe.
Por tani një ekspert lavanderie ndau metodën e tij profesional për të hequr qafe edhe njollat ”më të vështira”, duke përfshirë edhe njollat e manikyrit dhe çamçakëzit.
Deyan Dimitrov, CEO i Laundryheap, këmbënguli se me këshillat e tij nuk ka nevojë të hidhen rrobat tutje.
Duke folur për Daily Express, ai tha: “Fusni veshjen në lëng limoni dhe përdorni anën e mprehtë të një thike për të hequr çamçakëzin e tepërt. Lani menjëherë rrobat në lavatriçe për të parandaluar që lëngu i limonit të ndryshojë ngjyrën e rrobave tuaja”.
“Përndryshe, për artikujt me ngjyrë të errët, nëse dëshironi të provoni erëza të ndryshme për të luftuar çamçakëzin, mund të përdorni edhe majonezë. Masazhoni një copë majonezë në veshjen dhe çamçakëzi duhet të largohet”.
Kur bëhet fjalë për manikyrin e thonjve, mund të duket sikur nuk ka kthim, por eksperti këmbënguli se nuk është kështu. Filloni duke gërvishtur çdo lustër të tepërt me anën e hapur të një luge.
Më pas ai tha se është më mirë ta lyeni zonën me një leckë dhe të fërkoni alkool derisa njolla të zhduket. Në fund lani rrobat me sapun dhe ujë për të hequr alkoolin dhe përfundoni duke i vendosur në lavatriçe në një larje normale. /Telegrafi/