Mentor Zymberaj Triumfon me Monodramën “Ëndërrat e Hamletit” në Festivalin Ndërkombëtar të Mongolisë
Aktori dhe regjisori kosovar, Mentor Zymberaj, ka arritur një sukses të madh ndërkombëtar me shfaqjen e tij monodramë, “Ëndërrat e Hamletit”, duke fituar Çmimin Kryesor – GRAND PRIX në Festivalin Ndërkombëtar të Monodramës “Parade of Winners” në Ulanbator, kryeqytetin e Mongolisë.
Në një konkurrencë të fortë me pjesëmarrës nga shumë vende të botës, monodrama e Zymberajt shkëlqeu, duke u vlerësuar nga juria dhe kritika teatrore si një prej veprave më të mira në festival.
Juria ndërkombëtare, bashkë me artistët dhe mediat, e cilësuan monodramën “Ëndërrat e Hamletit” si një nga më të suksesshmet në arenën globale të teatrit.
Kjo arritje e rëndësishme përfaqëson jo vetëm një triumf personal për Mentor Zymberajn, por edhe një sukses të madh për artin dhe skenën teatrale të Kosovës në prezantimet ndërkombëtare.
Ky çmim konfirmon potencialin e madh që artistët kosovarë kanë në skenën globale të artit dhe kulturës. /Telegrafi/