Ditën e së martës u bë zyrtare lista e 20 pjesëmarrësve për edicionin e 60-të të Festivalit të Këngës në Radio Televizonin Shqiptar.
Mes emrave që munguan në këtë kompeticion muzikor ka qenë edhe artisti i njohur i muzikës ‘rock’, Mentor Haziri.
Ky i fundit ka ngelur i shokuar nga përzgjedhja që iu bë duke bërë menjëherë një reagim në rrjete sociale.
Në shkrimin e publikuar në Instagram, këngëtari tregoi se sa i zhgënjyer ishte dhe se e akuzoi për korrupsion e mos-transparencë.
Përkundër gjithë kësaj, Haziri ditën e sotme (e enjte) ka publikuar këngën të cilën nuk ia pranuan në Festivalin e RTSh-së.
Projekti, i titulluar “Qëndro”, tashmë gjendet i kompletuar edhe me videoklip në platformën YouTube.
“Kjo është kënga që nuk u pranua në festivalin e RTSh-së, vlerësojeni vet. ‘Link’-u në storie dhe biografi”, ka shkruar ai.
Teksti dhe muzika u realizua nga vet këngëtari, kurse për producimin u përkujdes Dave MCCune.
Masterizimi i është besuar Pete Maher (U2, The Killers, Katy Perry, Rolling Stones).
Më poshtë, ndiqni të plotë këngën:
/Telegrafi/