“Shqiptarët momentalisht kanë dy aleatë shumë të mëdhenj, një Amerikën – aleat global, kurse aleat rajonal kemi Turqinë dhe presidentin turk, ky është aleat strategjik! Jo që dua të marr vota për këtë punë, vetëm dua tu jap një sqarim njerëzve që mos të vijmë deri në huti se jemi në rrezik, shumë në rrezik. Aleat strategjik i shqiptarëve Turqia për momentin është për shkak se lufton fortë kundër rrymave radikale islamike që s’kanë të bëjnë me fenë islame, transmeton Telegrafi Maqedoni.
Turqia është penda e parë, Turqia është shtet, model ku njerëzit janë 90% mysliman, shteti është laik, zgjedhjet janë demokratike dhe pushteti është demokratik. Në këtë situatë natë e ditë janë duke punuar të tjerët”, kështu ka thënë Lideri i Partisë Demokratike Shqiptare (PDSH), në një nga takimet e tij me qytetarët dhe aktivistët partiak në rrethinën e Shkupit në kuadër të fushtës “Dëgjesa publike”. /Telegrafi/
