Një burrë e ka pësuar keq kur u godit nga dy dema të tërbuar, ndërsa e gjithë ngjarja po transmetohej live në televizion.
Burri i veshur me bluzë të zezë ishte futur në arenë gjatë garës me dema në Kosta Rika, kur njëri prej tyre e goditi nga pas dhe e hodhi në ajër, transmeton Telegrafi.
Por sikur kjo të mos mjaftonte, ai pasi ngritët në këmbë dhe i lumtur që i shpëtoi më të keqes derisa po ikte, goditet befasisht nga tjetri dem.
Incidenti raportohet të ketë ndodhur në Kosta Rika, por nuk dihet saktë lokacioni i kësaj gare të rrezikshme.
Ajo ishte transmetuar live në Toros Teletica, që gjithashtu postuan edhe në internet videon 25 sekondëshe që duket se zgjoi interesim të madh të shikuesve pasi e klikuan mbi 600 mijë herë. /Telegrafi/
