Agjenti i Cristiano Ronaldos, Jorge Mendes, ka zbuluar se portugezi ka kërkuar kalimin vetëm te Juventusi.
Transferimi prej 100 milionë eurosh shokoi botën e futbollit, por ka qenë duke u punuar për një kohë të gjatë.
“Cristiano më ka thënë se ka dashur të luajë vetëm për Juventusin dhe ne kemi biseduar për muaj të tërë”.
“Në janar të vitit 2018 unë dhe pak njerëz kemi ditur çka po ndodhte dhe se sa do të ishte e vështirë të transferohej ai te Juventusi”.
“Sidoqoftë, unë kam dashur ta qartësoj idenë me lojtarin. Ronaldo më tha se dëshironte të luante vetëm për Juventusin”.
“Aty filluan bisedimet me drejtorët Bianconer për muaj të tërë dhe kështu përfunduan negociatat”.
“Ronaldo është i lumtur tani me klubin dhe bashkëlojtarët, ai është i kënaqur me Serien A dhe vërtet është i lumtur te Juventusi”, deklaroi Mendes.
Zonja e Vjetër është në krye të Serie A me distancë të madhe tabelare me përcjellësit, kurse në Ligën e Kampionëve kundërshtar e ka Atletico Madridin, një rival i preferuar për CR7. /Telegrafi/