Avokati i popullit i Maqedonisë ka nënshkruar memorandum bashkëpunimi me USAID për një projekt të përfshirjes dhe të drejtave të komunitetit LGBTI në Maqedoni, njofton Telegrafi Maqedoni.
Me këtë rast, Ixhet Memeti, Avokat i Popullit, tha se personat e LGBT bashkësisë janë qytetarë dhe duhet të kenë të drejtat e tyre.
”Edhe përskaj tentimeve të bashkësisë ndërkombëtarët, anëtarët e kësaj bashkësisë, vazhdojnë të ndjehen të mënjanuar nga shumë aspekte të jetës, që në masë të madhe janë rezultat i stereotipeve negative dhe perceptimeve, që shpesh shfaqet përmes homofobisë dhe transfobisë së drejtpërdrejtë ose të tërthortë. Është i nevojshëm ridefinimi i kuadrit ligjor, pasi që ligjet që thërrasin në mbrojtje të barabartë e forcojnë rëndësinë moral të barazisë. Si avokat i popullit do të vazhdojmë t’i mbrojmë të drejtat këtyre persona dhe thërrasim në solidaritet dhe tolerancë.”, deklaron Memeti.
Ndërsa, ambasadori amerikan, Jess Baily, tha se ”është hap i rëndësishëm pasi që askush sduhet të fshihet se kush është. Secili i ka të drejtat e tij, pa dallime etnike dhe gjinore. Edhe ne në SHBA jemi përballur me sfida për të drejtat për të gjithë. Të gjitha format e ndarjes i deklaruam si jokushtetuese. SHBA-të do të mbeten partner i përkushtuar i Maqedonisë për të realizuar të drejtat e qytetarëve.”/Telegrafi/