Siç shkruan gazeta “Lajm” duke cituar deklaratën e kësaj ministrie procedurat parakualifikuese për këtë tender kanë mbaruar.
“MEM bën të ditur se sa i përket projektit “Kosova C”, kompanitë parakualifikuese janë përcaktuar dhe përfshirja e ndonjë investitori tjetër nuk është e mundur”, citon kjo gazetë MEM-in.
Por zëvendëskryeministri i Kosovës, Ramë Manaj, ka deklaruar se do të realizohet ajo çka kanë deklaruar dy kryeministrat shqiptarë gjatë takimit në Tiranë.
“Nuk dua ti komentoj deklaratat e MEM-it, por mund të them se atë që e ka thënë kryeministri Thaçi në Tiranë, e ka thënë edhe qeveria e Kosovës”, ka deklaruar për Lajm, zëvendëskryeministri Manaj.