Reperja e njohur shqiptare, Melinda Ademi këtë herë po vjen me një tjetër bashkëpunim muzikor.
Ajo ka bashkuar forcat me reperin Finem për një duet të radhës që pritet të publikohet nesër (e premte).
Kënga e dyshes mban titullin “Milano” kanë konfirmuar artistët duke postuar edhe një video të shkurtër në Instagram të shkëputur nga klipi i ri.
“Milano’, 23.09.2022”, ka shkruar Melinda në mbishkrimin e postimit që mori komente të shumta nga ana e fansave të tyre.
Kujtojmë që ky projekt i Melindës vjen pas bashkëpunimi mjaft të suksesshëm me reperi tjetër, Ledri Vula.
“A m’ke dasht” u prit mirë nga ana e adhuruesve të Melindës dhe Ledrit dhe deri më tani ka grumbulluar mbi 17 milionë klikime në YouTube.
Ndërkohë, theksojmë që krahas projekteve Melinda gjatë sezonit të verës ka qenë e angazhuar edhe me mbrëmje të shumta muzikore. /Telegrafi/