Presidentja meksikane ka thënë se do të dërgojnë 10 mijë ushtarët në kufirin me SHBA, si pjesë e marrëveshjes me Donald Trumpin lidhur me “pauzimin” e tarifave prej 25 për qind.
Claudia Sheinbaum tha se ka pasur “një bisedë të mirë” me Trumpin, ku dyshja diskutuan për një “sërë çështjesh”, transmeton Telegrafi.
Theksoi se biseda ishte e “gjatë” që zgjati të paktën 30 apo 45 minuta. Telefonata u zhvillua pak orë para se urdhri për tarifat e vendosura ndaj Meksikës të hynin në fuqi.
“Kemi diskutuar për çështje të interesit të përbashkët. Thamë s e do të punojmë së bashku për emigracionin, që ka shkuar mirë”, shtoi Sheinbaum.
Sheinbaum thotë se “do të ketë një pauzë”, që SHBA të vendosë tarifa 25 për qind për mallrat nga Meksika për një muaj.
“Meksika gjithashtu do të përforcojë kufirin e saj të përbashkët me SHBA-në me 10,000 trupa të Gardës Kombëtare, të cilët do të vendosen menjëherë”, shtoi ajo.
Presidentja meksikane bëri të ditur se “shpjegoi seriozitetin” e armëve me fuqi të lartë, që mbërrinin mbi kufirin e SHBA dhe në duart e grupeve kriminale. /Telegrafi/
