Një lajm i mirë për kombëtaren kroate të futbollit ka ardhur prej stafit mjekësor.
Vedran Corluka do të jetë gatshëm për ndeshjet me Kosovën dhe Finlandës në kuadër të kualifikuese për Kupën e Botës, njofton Federata Kroate e Futbollit (HNS).
E gjithë kjo pasi kaloi me sukses testet mjekësore dhe se mbrojtësi veteran do të jetë i pranishëm në Shkodër, transmeton Telegrafi.
“Rezonanca magnetike tregoi sot se Corluka nuk ka probleme të reja dhe do të jetë në dispozicion për të dy lojëra. Mbrojtësi i Lokomotiv Moskës për shkak të mungesës së Luka Modricit, do të marrë shiritin e kapitenit”, shkruan në njoftimin e HNS.
Kujtojmë se tashmë Luka Modric, Dejan Lovren dhe Ivan Rakitic shkaku i lëndimeve nuk do të paraqiten në sfidën e ditës së enjte kundër Kosovës në stadiumin Loro Boriçit. /Telegrafi/
