Organizatorët e fushatës së Joe Bidenit kanë refuzuar menjëherë ofertën e kolegëve të Donald Trumpit për të shtyrë datat e të dy debateve presidenciale.
Në fakt, presidenti aktual i SHBA-së, Donald Trump kishte rënë dakord që debati i 15 tetorit të zhvendoset për në 22 tetor dhe i fundit, nga 22 tetor në 29 tetor.
Por, zëdhënësja e Bidenit, Kate Bedingfield përmes rrjeteve sociale reagoi duke thënë se “Donald Trump nuk e bën orarin e debatit; Komisioni i bën”.
Ajo shtoi se “Ne i pranuam të tri datat – 29 Shtator, 15 Tetor dhe 22 Tetor – në Qershor. Trumpi zgjodhi sot të tërhiqet nga debati i 15 tetorit. Sjellja e çrregullt e Trumpit nuk e lejon atë të rishkruajë kalendarin dhe të zgjedhë data të reja sipas zgjedhjes së tij. Ne shpresojmë të marrim pjesë në debatin përfundimtar, të planifikuar për në 22 Tetor, i cili tashmë është i lidhur për datën e fundit të debatit në 40 vjet. Donald Trump mund të shfaqet, ose mund të bjerë përsëri. Kjo është zgjedhja e tij”.
Donald Trump clearly doesn’t want to take questions from voters – that’s too bad but that’s his choice. Joe Biden is eager to, and we will find a way to do that on October 15th. https://t.co/7jK1VVO6yk
— Kate Bedingfield (@KBeds) October 8, 2020
Ron Klain, një nga këshilltarët kryesorë të Bidenit për debatet presidenciale, shkroi një mesazh të ngjashëm në llogarinë personale në Twitter.
“Datat e debatit u caktuan muaj më parë nga Komisioni i Debatit dhe u mbyllën nga të dy fushatat. Vetëm këtë mëngjes, Donald Trump refuzoi debatin e vendosur për javën e ardhshme”, tha Klain duke shtuar se “Ai nuk do ta vendos kalendarin bazuar në tekat e tij gjithnjë në ndryshim”, pohoi ai.
Ndryshe, republikani ka refuzuar të bëjë një debat virtual me demokratin, pasi që Trump ishte infektuar me coronavirus. /Telegrafi/
The debate dates were set months ago by the Debate Commission, and locked in by the two campaigns. Just this morning, Donald Trump rejected the debate set for next week. He doesn't get to set the calendar based on his ever changing whims. https://t.co/LAOzZDJzku
— Ronald Klain (@RonaldKlain) October 8, 2020
No, there is ALREADY a debate set for Oct 22. Our proposal this AM was, given Trump's cancellation of 10/15, that the format for 10/22 SHOULD BE a Town Hall. https://t.co/wVQmJAjcpO
— Ronald Klain (@RonaldKlain) October 8, 2020