Meghan Trainor performoi në Jingle Ball në Boston duke u përpjekur të buzëqeshte pas një dështimi me Botox.
Këngëtarja e njohur, 30 vjeçe, u shfaq me një fustan jeshil dhe çizme të gjata, duke kënduar hitet e saj përpara një audience festive.
Sidoqoftë, vetëm disa javë më parë, ajo zbuloi se kishte pasur probleme pas një procedure me Botox, duke përmendur se nuk mund të buzëqeshte dhe kishte dhimbje në fytyrë, shkruan DailyMail.
Në një podcast, Meghan shpjegoi se ishte bindur të bënte mbushës buzësh dhe përjetoi pasoja të padëshiruara.
Ajo po ashtu zbuloi se pas përfundimit të ushqyerjes me gji, planifikon një operacion për të rregulluar ndryshimet në trupin e saj, duke përfshirë një procedurë për gjoksin.
Megjithatë, ajo nuk e lejoj përvojën e keqe të ndikojë në performancën e saj.
Gjatë shfaqjes, Meghan vazhdoi të këndonte dhe të performonte me energji të lartë, duke treguar profesionalizëm dhe pasion për muzikën.
Në mbrëmje, Kesha gjithashtu pati një paraqitje të veçantë në eventin e Jingle Ball, ku mbajti një fustan të shkurtë dhe të ngushtë, duke kërcyer me entuziazëm në skenë.
Ajo gjithashtu shprehu dëshirën për një “sugar daddy” dhe një jaht për Krishtlindje, duke shtuar humor në intervistat e saj. /Telegrafi/
