Megan Fox mbylli llogarinë e saj në Instagram mes spekulimeve se është ndarë nga Machine Gun Kelly.
Faqja e yllit të “Jennifer’s Body” në rrjetet sociale qëndroi aktive deri të dielën pasdite, kur u fshi plotësisht.
Mbyllja e llogarisë erdhi vetëm pak orë pasi aktorja, 36-vjeçe, hoqi të gjitha imazhet e të fejuarit të saj duke nxitur thashethemet se çifti janë ndarë.
Fox madje e hoqi nga lista e ndjekësve reperin, 32-vjeçar dhe ndiqte vetëm Eminemin, Harry Styles dhe Timothee Chalamet.
MGK, i lindur si Colson Baker, ka qenë i përfshirë në një grindje me Eminemin vite më parë.
Ylli i “Transformers” filloi të takohej me krijuesin e hitit “Bloody Valentine” në vitin 2020 pas divorcit nga Brian Austin Green.
Rokeri i propozoi artistes së famshme në janar të vitit 2022 dhe ata festuan përvjetorin e fejesës së tyre muajin e kaluar.
Megan nga ana tjetër ka tre fëmijë me ish-bashkëshortin e saj, aktorin amerikan, Brian Austin Green.
Ish-çifti janë prindër të: Bodhi Ransom Green, Journey River Green dhe Noah Shannon Green. /Telegrafi/
