Ish-mbrojtësi i Liverpoolit, Jamie Carragher është pezulluar nga roli i tij si një ekspert për Sky Sports pasi dolën pamjet e tij duke pështyrë nga vetura një vajzë 14-vjeçare.
Carragher ishte filmuar duke pështyrë në drejtim të një makine në të cilën shoferi ishte duke xhiruar ndërsa ai u nxit pas humbjes së Liverpoolit nga Manchester Unitedi me rezultat 2-1.
Pas kësaj mediumi i njohur Sky Sports pezulloi Carragherin nga paneli i ekspertëve pasi pështyu nga vetura drejt kësaj nxënëse adoleshente.
Ai u shfaq në Sky News për të thënë se u ndie keq dhe ishte efekt i ardhur nga lodhja e vozitjes, teksa pranoi se nuk kishte ofruar dorëheqjen nga roli i ekspertëve
Sky Sports deklaroi se veprimet e tij ranë “shumë më poshtë standardeve që presim nga njerëzit tanë” dhe u detyruan ta marrin këtë vendim.
Carragher ishte filmuar nga babai i 14-vjeçares, të cilën ai e pështyu dhe ajo filloi të qante kur pështyma e tij e goditi atë në fytyrë.
Megjithatë, policia nuk do të hetojë Carragherin mbi këtë incident nëse viktima nuk ankohet.
Pas këtij gjesti të ulët ka reaguar legjenda angleze duke u ndier keq dhe kërkuar falje për familjen e vajzës. /Telegrafi/
Ex-England footballer Jamie Carragher has been filmed spitting at a family's car. Read the full story > https://t.co/rQCWf00D8t pic.twitter.com/q3Hftr9fFX
— Sky News (@SkyNews) March 12, 2018