18 vjet pas vrasjes së 50 anëtarëve të familjes Jashari nga forcat serbe, presidentja aktuale, Atifete Jahjaga, i ka rikujtuar dhe nderuar “të gjithë ata që kanë rënë për altarin e lirisë”.
“Sot është dita kur ne mendojmë për të ardhmen e gjeneratave të reja, duke i lënë mënjanë diferencat politike. Ne duhet të punojmë shumë për realizimin e aspiratave tona për një ekonomi të zhvilluar që i mbanë të rinjtë brenda shtetit, një shtet ligjor, ku secili është i barabartë para ligjit”, ka thënë Jahjaga në Epopenë e UÇK-së, shkruan OCNAL, transmeton lajmi.net.
Ngjarja që kishte filluar dje zgjatë tri ditë dhe mbahet për nderim të Adem Jasharit, që ndryshe njihet edhe si komandanti legjendar, e gjithashtu edhe për nderim të familjes së tij.
