Mike Tyson thueht se po i frikësohet meçit me Evander Holyfield, para rikthimit të tij në ring.
Iron Mike pritet që të rikthehet në ring më 28 nëntor, kur do të përballet me legjendën tjetër Roy Jones Jr.
Tyson dhe Jones Jr nuk janë të vetmit legjendat që po rikthehen në boks, që t’i argëtojnë fansat e tyre edhe një herë.
Holyfield është po ashtu duke e planifikuar që të rikthehet në ring, me 58-vjeçari që tashmë është duke zhvilluar stërvitje intensive.
Një burim i ka thënë TMZ-së se Tyson është i frikësuar që të përballet me Holyfieldin dhe nuk ka të bëjë asgjë me paratë.
“Nuk ka të bëjë asgjë me paratë në këtë pikë, mendoj se Tyson është i frikësuar që të përballet”, ka thënë burimi.
“Ne kemi kontaktuar disa herë atë (Mike) që të zhvillohet përballja Tyson – Holyfield, pasi mendojë se duhet të ndodhë”.
“Tyson duket se nuk dëshiron të zhvillojë një takim të tillë, mirëpo ai e di se çfarë do e priste në ring”, ka shtuar më tej ky burim për TMZ.
Tyson dhe Holyfield kanë luftuar dy herë në të kaluarën. Holyfield mundi Tyson për të fituar titullin në peshat e rënda në WBA, duke zhvilluar edhe një rimeç në nëntor 1996.
Në revanshin e zhvilluar tetë muaj më vonë, Tyson u skualifikua për kafshimin e veshit të Holyfieldit. /Telegrafi/