Një tjetër viktimë është shënuar në plazhet shqiptare. Një djalë i mitur është mbytur në det në rrethana ende të panjohura.
Tvklan.al mëson nga burime policore se fëmija është 13 vjeç me iniciale L.I.
Paraprakisht dyshohet se fëmija ka pësuar atak kardiak sapo ka hyrë në det. Në vendngjarje kanë mbërritur forcat e policisë, të cilat kanë nisur hetimet.
Trupi i pajetë i 13-vjeçarit është dërguar në morg për ekspertizë mjeko-ligjore për të zbardhur shkaqet e sakta të vdekjes.