Sergio Ramos është dëmtuar sërish, kësaj radhe në ndeshjen që u zhvillua ndaj Chelseat në mesjavë.
Ai nuk do të jetë në gjendje të përballet me ish-klubin e tij Sevillan të dielën në mbrëmje.
Kapiteni mungoi në seancën stërvitore të Real Madridit, me Los Blancos që lëshuan një komunikatë të shkurtër mbi problemin e fundit.
“Pas testeve të kryera te Sergio Ramos nga shërbimet mjekësore të Real Madrid, ai është diagnostikuar me tendenit në muskulin e kofshës së tij të majtë”, thuhet në njoftim, duke shtuar se gjendja e tij do të monitorohej.
Sergio Ramos medical report.#RealMadrid
— Real Madrid C.F. 🇬🇧🇺🇸 (@realmadriden) May 8, 2021
Nuk është e qartë nëse Ramos do të jetë në gjendje të luajë për Real Madrid përsëri këtë edicion, pasi kanë mbetur vetëm edhe katër ndeshje në La Liga.
Viti 2021 ka qenë i vështirë për Ramos që nga fillimi, ndërsa duke e parë edhe situatën me rinovimin e konratës, spanjolli mund të mos paraqitet më kurrë me fanellën e Real Madridit. /Telegrafi/