Në Ferizaj ka përfunduar edicioni i shtatë i Festivalit të Filmit Ndërkombëtar, “Ferfilm”, ku janë shpallur edhe fituesit në pesë kategori.
Filmi më i mirë i shkurtër fiktiv u zgjodh “SAP” i Clemence Marcadier nga Franca. Filmi më i mirë i eksperimental u zgjodh “Space Dialogues” i Shashwati Talukdar nga India.
Filmi më i mirë i shkurtër animacion i takoi Sarah Forest, Cecile Floucat, Pauline Javelot, Juliette Gales, Thibaut Wambre dhe Kevin De Garidel.
Filmi më i mirë i shkurtër dokumentar u përzgjodh “For A Better Life” e Yasmin Mistry nga Shtetet e Bashkuara të Amerikës.
Ndërsa, çmimi special takoi filmit “Shadows” të Victoria Karakoleva nga Bullgaria, transmeton KP.
Edicioni i shtatë i “Ferfilm” nisi më 2 prill, ndërsa u mbylltë shtunën mbrëma (6 prill) me ndarjen e çmimeve.