Në takimin e dytë të Shtabit me Menaxhim me Kriza, Komuna e Tetovës u u informua nga institucionet që janë të lidhur dhe funksionojnë në territorin e komunës së Tetovës.
“Spitali klinik në Tetovë është i kompletuar për të dhënë shërbimet e nevojshme dhe në të njëjtën kohë do vazhdojnë të jenë aktiv të gjitha numrat e telefonit ku qytetarët mund të paraqiten në raste të veçanta. Poashtu u informuam se shtëpia e shëndetit është në përgatitje e sipër të hapë 12 punkte, në komunat rurale përreth Tetovës me qëllim që qytetarët e këtyre komunave të mos kenë nevojë që me rastin e parë të vinë në qendrën spitalore në Tetovë. Poashtu u informuam se policia e Tetovës është në krye të detyrës dhe poashtu me gjithë paralajmërimet për të gjithë ata që nuk i respektojnë vendimet e njëpasnjëshme të cilat janë marrë nga ana e pushtetit qendror, për sa i përket punës apo mospunës, të gjitha masat e mëtejshme të policisë do të jenë më intensive”, tha kryetarja e Komunës së Tetovës, Teutra Arifi, njofton Telegrafi Maqedoni.
Ajo shtoi se në këtë pajtim është dakorduar që Kryqi i Kuq të jetë pika kryesore për sa i përket ndihmës së qytetarëve të izoluar dhe se kuzhina popullore e cila është aktive do të vazhdojë me ndarjen e paketave ushqimore për familjet në nevojë.
“Mësimi online është duke vazhduar në pjesën më të madhe të shkollave, i inkurajojmë të gjitha shkollat ta kompletojnë këtë proces”, tha Arifi.
Sipas Arifit, larja dhe dezinfektimi i të gjithë rrugëve dhe rrugicave do të vazhdojë ndërsa të enjten do të pezullohen të gjitha tregjet e hapura dhe të mbyllura ndërsa këtë proces do ta vëzhgojë inspektorati komunal që do ta asistojë MPB dhe Inspektorati Shtetëror i Tregut.
Arifi ju bëri apel qytetarëve lëvizin se më pak dhe të mos dalin nga shtëpia dhe të respektojnë rregullat dhe të mos krijojnë panik./Telegrafi/
