Në komunën e Malishevës janë mbyllur dy furra të bukës, pasi që pronari i tyre ka rezultuar pozitiv me coronavirus.
Në njoftimin e bërë për media thuhet se inspektorati komunal në Malishevë, në kuadër të zbatimit të masave mbrojtëse kundër përhapjes së pandemisë COVID-19, sot i ka mbyllë dy furra të bukës pasi pronari i tyre, ka rezultuar pozitiv me COVID-19, transmeton Telegrafi.
“Pronari i furrave, i cili nuk është banor i Komunës së Malishevës, e ka njoftuar inspektoratin komunal në Malishevë, se ka rezultuar pozitiv në testin për COVID-19, dhe më pas inspektorati i ka ndërmarrë veprimet ligjore, duke i mbyllur këto dy furra”, thuhet në njoftim.
Tutje në komunikatë thuhet se furrat do të mbesin të mbyllura deri në një vendim tjetër të organeve përgjegjëse, pasi i njëjti të konsiderohet plotësisht i shëruar. /Telegrafi/