Athletic Bilbao ka konfirmuar se mbrojtësi Yeray Alvarez ka mposhtur kancerin në testikuj për herë të dytë në më pak se një vit.
22-vjeçari bask u rikthye nga një diagnozë në dhjetor të vitit të kaluar para se një anomali u gjet në muajin qershor, që do të thotë se ai duhej t’i nënshtrohej një kursi të ri trajtimi, të cilin e mposhti për herë të dytë.
Këtë mposhtje të kancerit e ka konfirmuar vet skuadra nga La Liga, Athletic Bilbao, e cila pret që futbollisti të kthehet së shpejti edhe në stërvitje.
“Faza e trajtimit e planifikuar në qershor për sëmundjen ka përfunduar”, thuhet fillimisht në deklaratën e Athletic Bilbaos.
“Në ditët e ardhshme [Yeray] do të lirohet nga spitali dhe do të fillojë fazën e përfshirjes progresive në ekip”.
“Në të njëjtën kohë, do të planifikohet një program i vëzhgimit aktiv”, përfundon konfirmimi i klubit bask.
Kimioterapia e Yeray duket se ka qenë një sukses dhe raportet në shtypin spanjoll besojnë se ai mund të kthehet në trajnim me klubin bask në mënyrë të menjëhershme. /Telegrafi/