Mbreti Charles III është “një nga sovranët më të çuditshëm që ka pasur ndonjëherë Britania e Madhe”.
Pretendimi u bë nga autori mbretëror Christopher Anderson, i cili ka shkruar një libër të ri për monarkun të titulluar “The King”.
Sipas Anderson, janë disa gjëra befasuese pa të cilat 73-vjeçari nuk mund të largohet nga pallati, transmeton Telegrafi.
“Ai ende udhëton me një arush pelushi të fëmijërisë… ai e ka pasur që kur ishte i vogël”, tha Anderson për ETOnline të mërkurën. “I vetmi person që është lejuar ta ndreq arushin pelushi të mbretit Charles është dadoja e tij e fëmijërisë, Mabel Anderson, me të cilën ai mbetet shumë i afërt”.
Anderson gjithashtu tha për mediumin se Charles “udhëton me një ndenjëse tualeti të bërë me porosi” të përshtatshme për një mbret.
Burimet brenda pallatit kanë pohuar gjithashtu se “kur ai shkon në darka në shtëpitë e njerëzve të tjerë, ai shpesh sjell kuzhinierin e tij, në mënyrë që ata të mund t’i përgatisin një vakt që ai do ta hajë veçmas në tryezë. /Telegrafi/