Real Madridi ka marr një fitore komode ndaj Villarreal me rezultat 4-1 në kuadër të javës së 17-të të La Ligas.
Mbretërit e nisën shumë mirë ndeshjen duke rrezikuar disa herë që në start.
Goli i parë në ndeshje erdhi në minutën e 25-të, kur Luka Modric harkoi në zonë dhe e gjeti Jude Bellingham që me kokë shënoi për 1-0.
People are talking about the Bellingham goal and forget about the modric assist it was real beauty. pic.twitter.com/EjXsenN7pv
— Omukulu Mitti (@mitti256) December 17, 2023
Në minutën e 37-të erdhi edhe goli i dytë që u shënua nga Rodrygo dhe pas një rishikimi në VAR u pranua si i rregullt.
Por me të filluar pjesa e dytë, Villarreal e hapi sërish ndeshjen, kur Jose Luis Morales shënoi për 2-1.
Pas dhjetë minutash Brahim Diaz shënoi golin më të bukur të ndeshjes, duke kaluar disa lojtarë të mysafirëve për të shënuar për 3-1.
BRAHIM DIAZ WHAT A GOAL! 🤯 pic.twitter.com/52t7yYx146
— TC (@totalcristiano) December 17, 2023
Në minutën e 68-të, mbretërit mbyllën ndeshjen, me Luka Modric që shënoi për 4-1.
LUKA MODRIC SCORES! 🤍 pic.twitter.com/1XhpF73tGg
— TC (@totalcristiano) December 17, 2023
Me këtë fitore, Real Madrid rrëmben momentalisht vendin e parë me 42 pikë, një më shumë se sa Girona, ndërsa Villarreal mbetet në vendin e 14-të me 16 pikë. /Telegrafi/