Agjencia e Sigurisë Shëndetësore në Mbretërinë e Bashkuar (UKHSA) ka raportuar 10,059 raste të reja të variantit Omicron në të gjithë Mbretërinë e Bashkuar.
Sipas The Guardian, përcjell Telegrafi, kjo do të thotë se numri total i rasteve nga ky variant në vend u rrit në më shumë se 24 mijë.
Më shumë se 90 mijë raste të reja të coronavirusit janë raportuar në të gjithë Mbretërinë e Bashkuar dhe 125 persona kanë vdekur nga COVID-19, sipas shifrave të fundit zyrtare.
Organizata Botërore e Shëndetësisë deklaroi se varianti Omicron i coronavirusit po përhapet dukshëm më shpejt se varianti Delta në vendet me transmetim të dokumentuar në komunitet, derisa numri po dyfishohet nga 1.5 deri në 3 ditë.
Në një përditësim të shtunën, agjencia shëndetësore e Kombeve të Bashkuara tha Omicroni është raportuar në 89 vende. /Telegrafi/