Arkivi shtetëror i Republikës së Maqedonisë sot dhe nesër është nikoqir i Mbledhjes së Këshillit ekzekutiv të degës rajonale evropiane të Këshillit arkivor ndërkombëtar, ku do të diskutohet për më shumë çështje që kanë të bëjnë me EURBICA dhe funksionimin e tij, si dhe për iniciativa për projekte të ardhshme, përcjell Telegrafi Maqedoni.
Drejtori i Arkivit të Maqedonisë Filip Petrovski informoi se në mbledhjen do të marrin pjesë 16 shtete, mes të cilëve edhe përfaqësues nga Evropa Juglindore.
Arkivet, sipas kryetares së Degës rajonale evropiane Debora Xhenkis nga Britania e Madhe, janë me rëndësi themelore për identitetin e tonë dhe identitetet e të gjithë popujve nga Evropa, njofton AIM.
Në mbledhjen është paraparë pjesëmarrja edhe e kryetarit të Këshillit arkivor ndërkombëtar, Dejvid Friker.
Arkivi shtetëror i Republikës së Maqedonisë është anëtar i Këshillit arkivor ndërkombëtar nga viti 1992 dhe prej atëherë është anëtar aktiv në strukturat e kësaj organizate. /Telegrafi/