Posta e Maqedonisë ka shpallur konkurs për mbi 100 vende pune në nivel republikan. Posta e Shkupit ka nevojë për një sekretar përmbarues, me arsim sipëror, qoftë ajo fakultet juridik, ekonomik, filologjik apo diçka të ngjashme, të njohë një gjuhë të huaj, me ose pa përvojë pune, ndërsa paga bazë do të jetë 22.923 denarë, transmeton Telegrafi Maqedoni.
Sipas konkursit kërkohet një administrator, me të paktën arsimim të mesëm, gjimnaz apo shkollë ekonomike, me ose pa përvojë pune, për të cilin vend pune ofrohet pagë fillestare prej 16.511 denarë, dy bashkëpunëtorë për kuadër dhe arsimim, të kenë të kryer fakultet juridik, me ose pa përvojë pune, me pagë fillestare prej 23.381 denarë, një vozitës me arsim të mesëm, me kategori B, C apo E të vozitjes, me pagë mujore prej 16.969 denarë.
Po ashtu kërkohen dy bashkëpunëtorë në administratë në sistemin e informatikës, një bashkëpunëtorë programues, prej të cilëve kërkohet të kenë të kryer fakultetin e informatikës apo drejtimin matematiko-natyror, dhe ofrohet pagë fillestare prej 23.381 denarë./Telegrafi/
Të gjithë të interesuarit mund të informohen për dokumentacionin e nevojshëm përmes lidhjes së dhënë më poshtë.
http://www.posta.mk/al/lajme/3154.html