Gjatë 24 orëve të fundit në Kosovë janë regjistruar 1030 raste të reja me coronavirus, nga testimi i 2829 personave të dyshuar si të infektuar.
Ministria e Shëndetësisë ka bërë të ditur se në 24 orët e fundit nuk është shënuar asnjë rast i vdekjes.
Numri i rasteve aktive është 9914.
Ndërkohë, numri i të vaksinuarve kundër COVID-19 brenda 24 orëve të fundit është 127.
Organizata Botërore e Shëndetësisë e pati shpallur coronavirusin si pandemi më 11 mars të vitit 2020.
Deri më tani në botë janë regjistruar mbi 6 milionë njerëz të vdekur me këtë virus.
