Paris Saint-Germaini ka shënuar një tjetër eliminim të hershëm nga Liga e Kampionëve duke treguar se akoma u mungoj ajo që është e nevojshme për ta fituar garën më të madhe evropiane për klube.
Tjetër vit, të tjera investime të mëdha dhe një tjetër eliminim – këtë herë nga Real Madridi, kampioni në fuqi.
Transferët më të shtrenjtë të PSG-së në sezonet e fundit
2013/2014: Edinson Cavani, Marquinhos (109 milionë euro)
2014/2015: David Luiz (50 milionë euro)
2015/2016: Angel di Maria, Layvin Kurzawa (114 milionë euro)
2016/2017: Julian Draxler, Giovani Lo Celso (136 milionë euro)
2017/2018: Neymar, Kylian Mbappe (418 milionë euro)
Transferimi i Kylian Mbappe (Monaco), Dani Alves (Juventus) dhe futbollistit më të shtrenjtë në histori Neymar (Barcelona) – u besua se do të shënonte një sezon të suksesshëm dhe PSG mund t’i afrohej trofeut të madh.
Faza grupore ishte lehtë e kalueshme dhe shumëkush e përfshiu kluibin francez ndër favoritët për ta fituar garën.
Mirëpo, pas udhëtimit në Santiago Bernabeu, ku thuhej se PSG do ta shkruante historinë, sërish u tregua se Reali është vet historia e Ligës së Kampionëve. Të mos flasim për ndeshjen e dytë, të cilën Mbretërit e fituan me shumë lehtësi në Parc de Princes.
Kaluan gjashtë vite prej se Qatar Sports Investments (QSI) e ka marrë nën menaxhim klubin francez, kanë bërë investime të mëdha, por PSG nuk është as afër që të arrijë në finale të Ligës së Kampionëve
Pronarët e klubit kanë shpenzuar mbi një miliard euro në transferime, mirëpo paratë nuk po konvertohen në sukses kur është fjala për trofeun më të madh të klubeve. /Telegrafi/