Shtetet e Bashkuara të Amerikës kanë raportuar numër të lartë të të infektuarve në 24 orët e fundit.
SHBA-ja ka regjistruar 44.023 raste të reja të coronavirusit, sipas Universitetit Johns Hopkins, duke rritur numrin në total në 5,57 milionë raporton CNN.
Deri më tani, të paktën 174.225 njerëz kanë vdekur në Amerikë nga virusi, me 1.078 vdekje të reja të raportuara ditën e enjte, transmeton Telegrafi.
Në total përfshihen raste nga të 50 shtetet, Rrethi i Kolumbisë dhe territoret e tjera të SHBA, si dhe raste të riatdhesuara.
Ndryshe, SHBA-ja është shteti me numrin më të madh në botë sa i përket të të infektuarve me pandeminë globale të quajtur COVID-19. /Telegrafi/