Për më shumë, është thënë se vetëm në Korenë e Jugut, Samsung ka pranuar më shumë se 2 milionë para-porosi për këtë model, ndërsa pas këtyre thashethemeve, Samsung ka publikuar shifrat e përgjithshme për Galaxy SII, për të cilin thotë se tashmë ka pranuar më shumë se 3 milionë kërkesa, në formë të para-porosive.
Ky është një lajm shumë i mirë për Samsung, e cila ka për synim që të shesë më shumë se 10 milionë kopje të Samsung Galaxy SII deri në fund të vitit, ndërsa nëse ky trend i para-porosive vazhdon kështu, atëherë ky objektiv nuk do të jetë i vështirë për tu arritur nga kjo kompani.
Siç mund të jeni njoftuar deri më tani, Samsung Galaxy SII posedon procesorin dy-bërthamësh që bazohet në 1.2GHz Gingerbread, ekranin Super AMOLED Plus të ndjeshëm në prekje me 4.27 inç me 800 x 400 piksel, portin TouchWiz 4.0 UI, MHL, si dhe kamerën e pasme me 8 mega-piksel, e cila mund të incizojë video në 1080p. / Telegrafi /