Rekord i rasteve të reja me COVID-19 është shënuar sot, ku numri i të infektuarve ka shkuar mbi 1 mijë brenda 24 orëve, ku mbi 100 është numri i fëmijëve të infektuar me coronavirus.
Sipas të dhënave të publikuara nga Ministria e Shëndetësisë, nga 6,784 testime, 1009 qytetarë kanë rezultuar pozitiv me virusin COVID-19.
Ajo që vërehet në të dhënat e Ministrisë së Shëndetësisë janë edhe rastet e shumta të infektimit të fëmijëve.
19 të infektuar janë nga mosha 0 deri në 9 vjeç kurse 128 nga 10 deri në 19 vjeç.
Ndërkaq, moshat më të prekura del të jenë ato nga 20 deri në 29 vjeç.
Vetëm gjatë 24 orëve të fundit, janë 269 persona të kësaj moshe që janë konfirmuar me coronavirus.
Po ashtu, të prekur nga coronavirusi sipas këtyre të dhënave janë edhe moshat nga 30 deri në 60 vjeç.
Më së shumti raste janë konfirmuar në Prishtinë, gjithsej 198 ku numri i rasteve aktive ka arritur në 907 raste. /Telegrafi/
