Nivole Wedlock ka mbetur i habitur, ku ka parë në gardhin e shtëpisë së tij që ndodhet në Bayview të Australisë, mbetjet e një krijese misterioze.
Ai i ka fotografuar për t’i postuar në Facebook, ku miqtë e tij dhanë mendime të ndryshme, transmeton Telegrafi.
Disa menduan se ka të bëjë me peshqit, ndërsa të tjerët ishin të bindur se i përkasin botës shtazore, kryesisht ndonjë gjitar. Ata që thanë se ishte krijesë deti, kishin pasur të drejtë.
Ekspertët kanë thënë se skeleti është i një peshku, që ka përpara një zgjatim të mprehtë, që e shfrytëzon për të goditur prenë.
Por, nuk bëhet e ditur, se kush e vendosi aty skeletin e peshkut, që zakonisht kapet nga peshkatarët për ta mbajtur si trofe. /Telegrafi/