Nuk ishte e planifikuar asnjë protestë për të mbrojtur krimet e ish-pushtetit por një gjë e tillë ndodhi, që e zu policinë të papërgatitur, shkruan Telegrafi Maqedoni.
Bëhet fjalë për protestën e mbështetësve të OBRM-PDUKM-së për të mbrojtur, siç thonë ato, shtetin nga Prokuroria Speciale Publike të Maqedonisë.
Kjo protestë vjen pas konferencës për shtyp të Prokurorisë Speciale Publike të Maqedonisë ku u hapën 18 lëndë me 17 aktakuza.
Në protestë ishin përafërsisht 300 persona sipas MPB-së. Protesta nuk pati ndonjë incident ndërsa ndërkohë ishin bllokuar rrugët e udhëkryqit në mes rrugëve ”K.Misirkov” dhe ”G.Dellçev.
Përndryshe, konferencën e PSP-së e ”sulmoi” edhe Nikolla Gruevski i cili tha se mision i PSP-së është të shkatërrohet partia e tij. /Telegrafi/
