Bashkimi Evropian po kontribuon dhe do të vazhdojë të kontribuojë për të mbështetur trashëgiminë kulturore në Shkodër, Korçë, Berat dhe vende të tjera siç është liqeni i Ohrit.
Kështu tha sot në Tiranë drejtori i Përgjithshëm i Zgjerimit në BE, Christian Danielsson në aktivitetin “Trashëgimia kulturore shqiptare një vlerë e shtuar për Evropën”.
Danielsson tha se trashëgimia kulturore në Shqipëri kërkon investime dhe promovime strategjike.
“Strategjia për zhvillimin e turizmit të qëndrueshëm ka rëndësi thelbësore dhe unë përgëzoj atë që po ndodh në Shqipëri për këtë. Ajo krijon të ardhura të larta dhe ka efekte domino”, nënvizoi Danielsson.
Sipas tij, trashëgimia kulturore nga mungesa e fondeve mund të lihet në harresë dhe të harrohet. /KP /Telegrafi/